ابڙو اڪيڊمي Abro Academy
2020-07-22
داخلا نمبر 610
عنوان ٽِيٽو ننڍو سادو
شاخ پکي
پڙهيو ويو 448
داخلا جو حوالو:
ٽِيٽو ننڍو سادو
15 سينٽي ميٽر جسامت واري ننڍڙي خوبصورت پکيءَ جا نر ماد هڪجهڙا ٿين ٿا. البت سياري ۽ اونهاري ۾ انهن جو رنگ ڪجهه مٽجندو آهي. مجموعي طرح ان جي ميرانجهڙي پُٺيءَ تي گـهرا لينگها، ڳچي ۽ پيٽ اڇو، چهنب سڌي ۽ ننڍي ۽ ٽنگون ڪارسريون ٿين ٿيون.
هي ننڍڙو ۽ سرگرم پکيئڙو سرد علائقن ۾ نسل وڌائي ٿو ۽ سياي ۾ ميداني پٽن ۾ يا ڍنڍن ڪناري اچي آباد ٿئي ٿو. تمام متحرڪ رهي ٿو، هر وقت ننڍڙا آبي جاندار ڳوليندو رھندو آھي، جيڪا سندس خوراڪ آهي. اڏار ۾ به تڪڙو آهي ۽ ڳتيل ولر ٺاهي اڏامي ٿو جيڪو هيڏانهن هوڏانهن خاص ترتيب ۾ ڦرندو آهي.